Prokuroria Themelore në Prishtinë edhe zyrtarisht ka filluar ta trajtojë rastin e kurdisjes së konkursit në Ibër-Lepenc, ku u punësua asamblisti i VV-së në Malishevë njëherësh dhënrri i deputetit Adnan Rrustemi, Veton Zogaj. Kjo i është konfirmuar Nacion...
Vigjilent gjithmonë
Të brengosur shpeshëherë
Të frikësuar, asnjëherë.
Vargjet metrike të Albin Kurtit, qe Luigj Gurakuqi do t’i quante edhe vargnime, zëvendësi Besnik Bislimi ua ka dhënë një kuptim edhe më të madh, duke e zëvendësuar fjalën vigjilencë me fjalën gati.
Duke i thënë gazetës ukrainase Europian Pravda: duhet të jemi gati për luftë dhe më pas duke e ndryshuar këtë deklaratë, Besnik Bislimi duket se e ka vërejtur që më mirë është të mbetet në gjendjen që e thotë Kurti, vigjilent ose i kujdesshëm.
Sepse, gati, sidomos në aspektin ushtarak, është momenti kur vec sa nuk numërohet për të qëlluar.
Çka ndodhi?
Në momentin kur zëvendëskryeministrit Besnik Bislimi, iu botua deklarata në gazetën ukrainase me togfjalëshin: Duhet të jemi gati për luftë, Bislimi duket se e kupton që me qenë gati, është pak ma shumë se sa me qenë vigjilent.
Kështu që Bislimi vendos të jetë në gjendjen e kujdesshme ose vigjilente, ashtu qysh ka dëshirë Kurit dhe e thotë shpesh.
Sepse kur lajmi mori dhenë, shprehja e Bislimit se duhet të jemi gati, u fshi.
Cili është citati i parë që u shlye më pas?
"Ne duhet të jemi gati për luftë. Po, një luftë konvencionale është e pamundur tani, pasi ne jemi të mbrojtur nga paqeruajtësit e KFOR-it. Megjithatë, siç ka treguar shembulli i Banjskës, një sulm hibrid gjithmonë mund të fillohet kundër nesh - dhe ne duhet të jemi të përgatitur që kjo mund të ndodhë përsëri në çdo kohë”, thotë Besnik Bislimi, zëvendëskryeministër i parë i Kosovës
Ndërkohë, citati i dytë, i pishmanëzuar thotë kështu
“Nëse i shikoni zhvillimet në anën e Serbisë, gjithmonë mund të llogarisni me një konflikt të mundshëm dhe ka disa elementë që tregojnë se kjo mund të jetë e mundur. Kjo do të thotë se ne jemi gjithmonë vigjilentë, gjithmonë llogarisim me skenarin më të keq të mundshëm, por ne besojmë se prania e KFOR-it, trupave tona të NATO-s në Kosovë mund t'i pengojë këto tensione nga Serbia në një të ardhme të afërt, por është gjithmonë e mundur”, thotë Besnik Bislimi, zëvendëskryeministër i parë i Kosovës.
Por, gazeta Nacionale arriti të gjejë artikullin e parë të botuar në gjuhën ukrainse – jo versionin e përkthyer në anglisht - ku mbetet ende citati i Bislimi se “Duhet të jemi gati për luftë”.